ناس كتير بتتلخبط بين الحزن الطبيعي والاكتئاب.
الاكتئاب مش لحظة حزن ولا يوم مزاجك فيه مش ظابط..هو حالة نفسية مستمرة بتأثر على طريقة تفكيرك، إحساسك، وحتى جسمك.
الشخص المصاب بالاكتئاب ممكن يحس إن مفيش حاجة ليها طعم، كل حاجة تقيلة، وإنه مش قادر يفرح حتى بالحاجات اللي كان بيحبها زمان.
مش كسل، ومش ضعف، ومش "تفاهة".
الاكتئاب مرض حقيقي، وبيحتاج تعامل وفهم ورعاية.
شعور دائم بالحزن أو الفراغ
فقدان الاهتمام أو الاستمتاع
شعور بالذنب أو انعدام القيمة
صعوبة في التركيز أو اتخاذ قرارات
تغيرات في النوم (أرق أو نوم مفرط)
تغيرات في الشهية والوزن
تعب مستمر
صداع أو آلام مزمنة من غير سبب عضوي واضح
أفكار متكررة عن الموت أو الانتحار
سلوكيات انسحابية شديدة
إيذاء النفس بأي شكل
الكل معرض.. الاكتئاب مش بيختار فئة عمرية أو اجتماعية. رجال، نساء، مراهقين، كبار سن… أي حد ممكن يمر بيه. لكن في عوامل بتزود احتمالية ظهوره، زي:
ضغوط الحياة المستمرة
تجارب مؤلمة (زي فقدان شخص، انفصال، فشل كبير)
التاريخ العائلي مع الاكتئاب
أمراض جسدية مزمنة
أيوه، الحمد لله. الاكتئاب قابل للعلاج، وفي ناس بتتعافى تمامًا وبيكملوا حياتهم بنجاح. العلاج ممكن يكون:
نفسي: من خلال الجلسات مع المعالجين المتخصصين
دوائي: مضادات الاكتئاب في بعض الحالات
نمط حياة صحي: الرياضة، التغذية، النوم، الدعم الاجتماعي
المهم إن الشخص ما يستناش ينهار عشان يطلب المساعدة.
لو حاسس إنك مش أنت… لو كل حاجة بقت تقيلة عليك…
لو بتفكر في الحاجات بطريقة سوداوية طول الوقت…
فده مش "طبيعي"، ومش لازم تستنى.
الخطوة الأولى دايمًا هي الاعتراف بالمشكلة.
والخطوة التانية: تطلب دعم. سواء من صديق، أو متخصص، أو مصدر موثوق.
